Atzo lau boluntariok egun osoan jardun zuten herritarrek eramaten zieten Ukrainarako materiala batu, sailkatu eta kutxetan gordez.
Haien artean izan zen Ivan Makarenko, material bilketaren bultzatzaile Fernando Garciaren lankide ukrainarra. Haren anaia Mihailen bitartez, dagoeneko eraman dute furgoneta bat bete material ukrainarrei laguntzeko, Garciaren bezero batek lagatako furgoneta baliatuta.
Datozen egunotan, gauza bera egin nahi dute, Soraluzen batutako eta batzen ari diren materialarekin fuegoneta bete eta Ukrainara joateko aukera izan bezain laster.
Gainera, euren nahia da behin materiala han lagata, furgoneta errefuxiatu ukrainarrez bete eta Soraluzera zein Eibarrera, ahal den lekura ekartzea.