Atzo, Aratuste-martitzena, umeen eguna izan zen argi eta garbi. Kalean jende nahikoa zebilen arren, zapatuan ez bezala, apenas animatu ziren helduak mozorroa jantzita irtetera, “izan ere, ez dago ezer”, esaten zuten gehienek, “gaiteroak bai, baina ez buruhandi, ez dantzaldi… ez dago beste ezer”. Umeak bai, haiek animoso irten ziren, nahiz eta, hori bai, buruhandirik ez egotearekin disgustua izan zuten haiek ere, sinistuta baitzeuden egongo zirela.