Irati Iñurrietak kontatu duenez, Gantxegi-Moro familiaren etxean egon zen Elena umetan. Gaur egun 32 urte ditu eta ume txiki bat.
Gaur, otsailak 25, Elena Mykulychi-n dago, Kievetik ia 50 kilometrora, familiarekin. Argazkietako baten amamarekin eta amaginarrebarekin azaltzen da eta Soraluzeko familiari jakinarazi dionez, oraingoz etxean daude, baina errusiarrak dagoeneko eurengandik 2-3 kilometrora daude.
Elenaren amama, adibidez, Hostomelen bizi da baina han sartu dira ya errusiarrak eta Elenarekin bizitzera joan behar izan du amamak, bere etxean dagoeneko ez dagoelako kristalik.
Elenaren ahizpa, berriz, Kiev-en dago, soto batean ezkutatuta.
Bideo-deia
Mertxe Galarragak kontatu duenez, berriz, Ivankiv-en, Txernobildik 70 kilometrora bizi da berak etxean izan zuen Inna Likartsu, gaur egun 31 urte dituen gaztea (betaurrekoduna). Likartsu, oraingoz, familiarekin dago. Bideo-deia eta guzti egin dute haiekin egunotan eta Galarragak kontatu duenez, sikiera lortu dute hangoek sentitzea bakar-bakarrik ez daudela.
Hori bai, gaur eguerditik aurrera, Galarragak ezin izan du haien berri gehiagorik lortu.