Aurten gehien nabarmendu nahi diren alderdiak hauek dira: segurtasun informatikoa edo zibersegurtasuna, Software Librearen mugimendua eta gizartean duen eragina, entretenimendu digitalaren industria eta kirol elektronikoen fenomenoa, bai eta puntako teknologiak ere.
Uni Eibar – Ermua bigarren Hezkuntzako institutuko Informatika Sailak antolatzen ditu, hemezortzigarren urtez jarraian. Streaming bidez ere jarraitu ahal izango da.
Antolatzaileek azaldu digutenez, “aurten Covid kontuak direla eta, ez gara bertan gauez geldituko baina bestela plangintza normal xamarra izango da”. Interesa dutenak bertatik pasa daitezke edo wegunean informatu: uniencounter.uni.eus. Besteak beste, sariak egongo dira Clase Royale, Fifa 22, League of Legends, Valorant, Counter Strike Go, Rocket League eta Brawl Stars jokoetarako. Horietako asko larunbat goizean izango dira.
Hauek dira antolatutako hitzaldiak:
Otsailak 25, ostirala. 18.30
CTF Zibersegurtasuna. Una forma práctica de acercarse.
Unai Combarro eta Mikel Elizondo. Zibersegurtasuna ITn espezializazio zikloko ikasleak.
“Basque Cyberecurity Centrek, Capture the Flag txapelketa bat antolatu zuen pasa den azaroan. Txapelketa honetan, gai (kriptografia, hacking, forentse digitala, sareetako trafikoa…) eta zailtasun ezberdineko erronkak aurkezten zaizkie partehatzaileei. Erronka horiek oinarri hartuta, Unai eta Mikelek “ariketak” planteatuko dituzte eta bertaratzen direnekin batera ebatziko dituzte. Zibersegurtasunaren inguruko gaietara hurbiltzeko modu praktiko bat. Komenigarria litzateke ikusleek beraien ordenagailu eramangarriak eraman ditzatela”.
Otsailak 26, larunbata. 12.00
Eskubide Digitalak: neutraltasuna. Zer egiten dute multinazionalek gure semeen datuekin? Gorka Julio Thalaios.koop-etik eta Alberto Larraz IsardVDI-tik
“Badira urte batzuk ikastetxeetan “Googleren Suite”a bete beten erabiltzen hasi ginela. Dela gmail, drive, calendar edo sites, beraien tresnak erabiltzen ditugu. Beste kasu batzuetan Microsoft-en O365 daralbigu.
Zer lortzen dute trukean multionazional hauek? Zer dago atzean? Gai hauen inguruan gogoeta batzuk eskeiniko dizkigu Gorka Juliok.
Bestalde, Albertok birtualki konektatuz, Bartzelonako Digital Democratic esperientzia komentatuko digu eta zer tresna garatu dituzten menpekotasun hau gainditzeko”