Atzoko kalejira eliz atarian hasi zen. Umeak eta helduak elkarrekin makilekin lurra joz, Oles, Oles kantatuz, Naturari esan zioten esnatzeko ordua dela, udaberriari eta udari bide emateko.
Hortik abiatuta, Plaza Zaharretik, Gabolatsera, Zubira gero eta Santa Anako kaletarrak bisitatu ondoren, Plaza Berrian borobildu zuten kalejira, bidean Santa Ageda martiriaren koplak kantatuz.
Bihar, berriz, Santa Ageda bezpera, Ezoziko Ama Abesbatzako kideak eta Soraluzeko Txistulariak irtengo dira kalejiran, 19:30ean.
