Kejak eta eskarixak

Egur hondarrak traban

Egur hondarrak futbol zelaiko aparkalekuan.

Kexua helarazi du Sora Futbol Taldeak futbol zelaiko aparkalekuaren egoera dela-eta. Argazkiek erakusten duten moduan, zuhaitzen adarrak eta aparkalekuan bertan birrindutako egurren hondarrak lurrean lagata daude, aparkalekuaren zati bat okupatzen. Soratik diotenez, partidak tokatzen diren egunetan, futbol zelaira autoz edo autobusez doazenak kabitu ezinda ibiltzen dira eta bertan aparkatzen dutenek, berriz, partiden amaieran maniobra nekezak egin behar izaten dituzte irteteko.

"Parkinga betetzen denean han ezin da errebueltarik hartu eta folloia muntatzen da. Gainera, Udalean abisua emanda dugu aspaldi, baina ez dute garbitzen", gaineratu dute.