62 positibo

Gaur eguneratutako datuen arabera, COVID-19 koronabirusaren probetan positibo eman duen herritarren kopuruak behera egiten segitzen du, Soraluzen zein eskualdean. Horren eraginez, nabarmen jaitsi da, baita ere, intzidentzia-tasa metatua. Hori bai, egiten ari diren proba diagnostikoetan ere izan da beherakada.

Azken egunotako joerari eutsi eta COVID-19an atzemandako positibo kopuruek beste koska bat egin dute behera. Adibidez, joan den asteko astelehenarekin alderatuta, 27 positibo gutxiago kontabilizatu dituzte Soraluzen eta herriko intzidentzia-tasa metatua ez da 4.000ra ailegatzen. Debabarrenean, berriz, 408 positibo gutxiago kontabilizatu dituzte.

Hori bai, era berean, esan beharra dago azken egunotan egiten ari diren proba diagnostikoen kopurua ere jaitsi egin dela. Urtarrilaren 16ko datuekin alderatuta (atzo astebete) 2.000 proba diagnostiko gutxiago egin zituzten atzo. Eta zapatuan, berriz, orain dela astebeteko zapatuan baino ia 4.000 proba diagnostiko gutxiago egin zituzten Euskadin. 

Hona hemen urtarrilaren 17tik urtarrilaren 23ra bitarteko datuak, herriz herri:

  • Eibar        529   4742,67
  • Elgoibar   298   5580,59
  • Mendaro    54    5059,10
  • Deba       147      5849,99
  • Mutriku   120   5720,74 
  • Soraluze   62    3799,70
  • Debabarrena   1210