Soraluzetarrak ere gonbidatu dituzte Bilboko manifestaziora

Bizitza Plataformak Plaza Berrian ipini duen pankarta.

Biharko, zapatua manifestazioa deitu du Bizitza plataformak Stop Diktadurarako Pasaportea lelopean. 17:00etan abiatuko da protesta ekimena Bilboko La Casillatik. Soraluzetarrak ere gonbidatu dituzte bertaratzera.  Besteak beste, salatu dute “inokulazio masibo esperimentalaren bidez instalatu” dutela pasaporte “lotsagarria” , hark atea zabaltzen diola “orain arte ezezaguna den totalitarismo mota bati” eta “kontrol sozialerako” tresna dela. 

Bizitza Plataformak salatzen duenez, COVID pasaportea ez da “osasun-kontua”, baizik eta atea irekitzen dio “orain arte ezezaguna zen totalitarismo mota bati, itzulerarik gabeko totalitarismo bati”. 

Horrekin batera, ohartarazpena ere helarazi diete “erakundeei, alderdi politikoei eta gainerako gizarte-eragileei” esanez ez dutela “herritarren aurkako abusu gehiagorik onartuko, ezta diskriminazio bakar bat gehiago ere”.

Soraluzetik Bilbora bertaratzeko autobusa Eibarren zein Elgoibarren har daiteke. Izena emateko: 617171520 (Eibar) edo 650431859 (Elgoibar)