14 positibo egoitzan

Gipuzkoako Foru Aldundiak jakinarazi duenez, Gipuzkoako egoitzetan 130 positibo berri atzeman dituzte, atzoko datuen arabera. Soraluzeko Mesedeetako egoitzan galdetuta, baieztatu dute han ere badaudela positiboak. Une honetan, sei egoiliar daude COVIDarekin eta beste zortzik pasatu dute gaixotasuna. Baina azpimarratu dute “denak ondo” daudela. Bestalde, bertako 10 langile ere egon dira edo daude COVIDaz kutsatuta.

Joan den abenduaren 31n atzeman zuten lehen positiboa Mesedeetako egoitzan. Harrezkero, egoitzan dauden 44 egoiliarretatik 14k pasatu dute edo pasatzen ari dira COVID-19a. Gaurko datuen arabera, eguaztena, 6 positibo daude eta 8 egoiliarrek pasatu dute gaixotasuna, baina “denak ondo” daude. Edozelan ere, positiboendako isolatutako gunea egokitu dute egoitzan. 

Bestalde, egoitzako langile batzuk ere kutsatu dira COVIDaz, 40 langiletatik 10. Adierazi dute langileetako batzuek kalean edo beste lekuren baten kutsatu direla.