1996. urteko urtarrilean argitaratu zen Pil-pilean herri aldizkariaren lehen alea, eta harrezkero etenik barik argitaratu da gaur egunera bitarte. Hasierako urteetan, hiru hilabetean behin argitaratu zen aldizkaria eta kalean banatu zen, herritarrei eskura emanda. 2001etik aurrera, berriz, aldizkaria hilean behin argitaratzera pasatu zen eta etxeetan banatzen hasi. 2003tik aurrera, maiztasuna bikoiztu eta aldizkaria hamabostero kaleratzen hasi zen eta halaxe iraun zuen 2012ra bitartean. 2013an, Plentxia.com indar handia hartzen ziharduela ikusita, internetari denbora gehiago eskaintze aldera, aldizkaria hilabetekari bihurtu zen berriz eta halaxe jarraitu du gaur egunera arte.
Mende laurdena igaro da Pil-pilean argitaratzen hasi zela eta bere 380 aleetan, plaentziatarren historiaren zati asko daude jasota. Orain, denak daude ikusgai, kontsultatu nahi dituen edozein herritarrentzat.