Anbulatoriotik helarazitako oharraren arabera, SARS-CoV-2 gaixotasuna pasatu duten 5 eta 11 urte bitarteko umeak txertatzerako orduan, honako epeak hartu behar dira kontuan:
- Dosi bakarra eman behar zaie infekzioaren diagnostikotik eta sintomen hasieratik lau aste pasatu ondoren.
- Txertoaren lehen dosia ipini ondoren infekzioa izanez gero, txertoaren pauta bigarren dosi batekin osatuko da, infekzioa izan zenetik lau aste pasatu direnean eta lehen dositik 8 aste pasatu direnean.
Helduen kasuan, berriz, infekzioa pasatu eta bigarren hilabetera har daiteke txertoa.