144 positibo

Hasi dira jaisten COVID-19 koronabirusean atzemandako positibo kopuruak, bai herrian eta baita eskualdean ere. Hori bai, gogoan izan beharra dago orain Osakidetzak ez dituela kontabilizatzen sintomarik ez duten eta lanerako gaixo-agiria behar ez duten positiboak. Halaber, positibo gutxiago atzeman arren, oraingoz, intzidentzia-tasa metatuak oso altua izaten segitzen du, Soraluzen 8.000 pasakoa. 

Gaur eguneratutako datuen arabera, Debabarreneko herri guztietan kontabilizatu dituzte positibo gutxiago; oro har, ia 200 gutxiago, eskualde osoan. Soraluzen, berriz, 40 gutxiago daude, asteleheneko datuekin alderatuta.

Edozelan ere, intzidentzia-tasa metatua oso altua da oraindik. Debabarreneko hiru herritan 8.000ko langa gainditu du tasa horrek, beste bitan 7.000koa eta Mutrikuk du txikiena, baina han ere, ia 6.500ekoa da. 

Hona hemen urtarrilaren 6tik urtarrilaren 12ra bitarteko datuak, herriz herri:

  • Eibar   1194        8105,85
  • Elgoibar   497     8682,84  
  • Mendaro   79      7328,61
  • Deba   203         7298,73
  • Mutriku   225      6435,83  
  • Soraluze  144     8228,49
  • Debabarrena  2342