Gabonetako izei naturalek ez dituztenez zuztarrik izaten, ezin dira birlandatu. Hori dela-eta, Mankomunitateak halako zuhaitzak batu egingo dituela jakinarazi du.
Eibarren egingo du bilketa, edukiontzi ondoetan. Zuhaitzen bat laga nahi duenak barikuan edo astelehenean laga dezake, 20:00etatik 21:00ak bitartean. Hori bai, aldez aurretik abisatu egin beharko du honako telefono zenbakira deituta: 943 70 07 99.
Mankomunitateak ohartarazi du ez dituela batuko naturalak ez diren zuhaitzak, hau da, plastikozko edo bestelako material batzuetako arbolak ez ditu batuko.