Udaltzaingoak emandako xehetasunen arabera, atzo,14:00ak bueltan jausi ziren paretako adreiluak Errabal kalera. Zorionez, une horretan ez zen inor pasatu eraikinaren azpitik.
Hori bai, bertan dagoen argindarraren kablea azpian harrapatu eta hura ere behera etorri zen. Kablea berriro ere kateatu bitartean, etenda geratu zen zirkulazioa, besteak beste, autobusa pasatu ezinda zebilelako. Udaltzainak kateatu zuen kablea eta hantxe dago, balkoiari lotuta.
Orain, jausi den pareta zatiaren beheko aldea hesiz inguratuta dago, inor ez dadin bertatik pasa. Horrekin batera, Udalak etxe jabeari ohartarazi dio eraikinak EITa (Eraikinen Azterketa Teknikoa) pasatu beharra duela eta horrez aparte, konponketa egin dezan errekeritu dio.