Jakitzeko modukua

San Andresko errifaren zenbaki irabazlea da 1665

Korta baserria berreraikitzen.

San Andres Elkartekoek jakinarazi dutenez, urtarrilaren 6an jokatutako El Niño loteriako lehen zenbaki sariduna 41665 zenbakia izan zen. Beraz lehen sariko azken lau zenbakiak kontuan hartuta, San Andres Elkarteak Gaztañerren salgai izan zituen errifa irabazlea 1665 zenbakia da. Haren jabeak urtarrilaren 30era arte dauka saria jasotzeko aukera.

Horrekin batera, eskerroneko mezua ere helarazi dute: "Korta baserriaren eta San Andres Elkartekoen izenean eskerrik beroenak ematea tokatzen zaigu errifak erosi dituzuen guztioi baita laguntzaile izan ditugun Goki Erreformak eta Txurruka Jatetxeari. Mila esker danoi zuen laguntza handi eta guztiagatik".

San Andres auzoko Korta baserriak 2019ko urriaren 3an hartu zuen su eta ia osorik erre zen. Hura berreraikitzen laguntzeko atera zituzten errifak auzokideek.