Atzoko datuen arabera, atzera ere goranzko joera hartu du COVID-19 koronabirusean positibo eman duen herritarren kopuruak. Martitzenean eta eguaztenean, adibidez, 16 positibo berri detektatu zituzten.
Intzidentzia metatuaren tasa handia
Azken zazpi egunotan, berriz, 34 positibo dira. Eta intzidentzia tasa metatuta jakiteko kontuan hartzen dituzten azken 14 egunotan, berriz, 62 positibo kontabilizatu dituzte. Horren ondorioz, atzoko intzidentzia metatuaren tasa 1.500 pasakoa izan da.
Soraluzen azken egunotan ikusi den goranzko joera hori orokorra izaten ari da. Debabarrenean ere, herri guztietan handitu da intzidentzia metatuaren tasa.
Hona hemen abenduaren 16tik abenduaren 22ra bitarteko datuak, herriz herri:
- Eibar 224 1608,79
- Elgoibar 83 1299,83
- Mendaro 8 945,63
- Deba 54 1925,55
- Mutriku 60 2164,09
- Soraluze 34 1560,14
- Debabarrena 463