Soraluze Futbol Taldetik esandakoaren arabera, gaur, 10:00etan, paseoan zebilen herritar batek abisua eman du Ezoziko futbol zelaiko tabernako atea zabalik ikusi ondoren. Bertaratzean konturatu dira atearen sarraila apurtuta zegoela eta barrura sartzean ikusi dute botila eta litxarrerria batzuk falta zirela.
Ertzaintzari abisatu diote eta Sorak salaketa jarri du.
Azken hilabeteotan, Institutuko ikasbidaiako gazteak eta haien gurasoak ari dira futbol zelaiko tabernaz arduratzen, bertaratzen direnei zerbitzua emanez, ikasbidaiarako dirua irabazteko.