Bizkor ari dira ugaritzen positiboak eskualdean. Debabarrenean, 46 gehiago detektatu dituzte astelehenetik atzora arte, horietatik 25 Eibarren.
Soraluzeri dagokionez, atzo anbulatoriotik esandakoa baino bat gehiago kontabilizatu dituzte gaurko datuen arabera.
Hona hemen azaroaren 25etik abenduaren 1era bitarteko datuak, herriz herri:
- Eibar 272 1.594,23
- Elgoibar 47 753,90
- Mendaro 9 1.386,75
- Deba 35 843,57
- Mutriku 33 865,64
- Soraluze 9 327,13
- Debabarrena 405
Osasun larrialdi egoera
Bestalde, gaur arratsaldean iragarri duenez, bihar, barikua, osasun larrialdi egoera indarrean sartuko da Euskal Autonomia Erkidegoan. Larrialdi egoera indarrean sartzen denean, Eusko Jaurlaritzak ostalaritzako, merkataritzako eta kultura ekitaldietako ordutegiak eta edukierak mugatu ahalko ditu.
Halaber, tabernetako barran kontsumitzea galarazteko eta mahai bakoitzean gehienez bildu daitezkeen pertsona kopurua zehazteko aukera izango du, besteak beste. Baina, oinarrizko eskubideak ezin izango ditu murriztu. Beraz, besteak beste, ezingo dituzte udalerriak itxi edo etxeratze agindurik ezarri.
Joan den urriaren 7an desaktibatu zuten osasun larrialdi egoera.