Atzo, azaroak 25, Plaza Berrian elkarretaratzea eginez arbuiatu zuten indarkeria matxista 80 bat herritarrek, udal ordezkariak ere bertan zirela.
Sei kasu, bi salaketa
Herriko datuei dagokienez, aurten indarkeria matxistak eragindako sei kasu kontabilizatu dituzte, nahiz eta bakarrik bi kasutan ipini duten salaketa, Gizarte Ongizate Sailak jakinarazitako datuen arabera.
Herrian atzemandako sei kasu horien artetik, batean indarkeria psikologikoa, fisikoa eta sexuala atzeman dute; bitan indarkeria psikologikoa, fisikoa eta ekonomikoa eta beste hiruetan indarkeria psikologikoa.
Gizarte Ongizate Saileko arduradun Patricia Borinaga zinegotziak kezka erakutsi du datuon aurrean: “Datuak ikusita, agerikoa da indarkeria mota hori etxean bertan ere badugula, ez dela urruti gertatzen. Kezkagarria da, ondoan ere gertatzen baitira halakoak, nahiz eta askotan ez konturatu”.