Bestalde, jakinarazi dute gaurtik, azaroaren 18tik hasiko direla 2022. urteko kuota kobratzen eta loteria banatzen. Ordutegia da martitzenetan, 11:00etatik 12:00etara eta eguenetan, 11:00etatik 12:00etara eta 16:00etatik 18:30era.
Itxaropena Nagusien Elkartetik jakinarazi dutenez, bertan behera geratu da azaroaren 27an egitekoak ziren 80 urtetik gorakoen omenaldi-bazkaria. Jaurlaritzak helarazitako irizpideak aintzat hartuta erabaki dute bazkaria bertan behera lagatzea. Horren ordez, 11:30ean oparitxoa emango diete aurten omendu behar dituzten bi nagusiei, Benito Oregiri eta Maria Pilar Elortzari, ekitaldi txikia eginez.