Kexak, eskariak eta jakingarriak

Sustoa Arriogain elkartean

Bariku gauean, suhiltzaileak eta polizia Arriogain elkartean izan ziren. Bertatik ke ugari irteten zela-eta jaso zuten abisua. Elkartera sartu zirenean, barruko alde guztia kez beteta zegoen, baina kea besterik ez zen izan, zorionez. Udaltzaingoak emandako xehetasunen arabera, babak egosteko lapikoa sutan laga zuten eta horrek eragin zuen kea.

Gaztañerreko bazkarirako babak prestatzen zebiltzala, bariku iluntzean, egoste lanak bukatuta zeudelakoan, Arriogain elkarteko sukaldarietako batek lapikoaren sua emendatu nahi izan zuen elkartetik joan baino lehen. 

Baina erratuta, emendatu beharrean, indar handiagoa eman zion suari. Ezusteko ederra hartu zuten hortik gutxira, lapikoa erretzen hasi eta kea irteten eta irteten hasi zenean. 

Suhiltzaileak bertaratu ziren eta haize-eragingailu handi bat erabili behar izan zuten elkartean zegoen ke guztia kanporatzeko.

Zorionez, horixe izan zen dena, ezustekoa baino ez. Eta hurrengo egunean, normal egin ahal izan zuten Gaztñerreko baba-jana. Bueno, jakin barik babak guztiz erre ote zitzaizkien.