San Andres elkarteko kideen ekimenez, Gaztañerre azoka egunaren bueltan, diru-bilketa abiatuko dute Korta baserria berreraikitzen laguntzeko. Horretarako, errifak salduko dituzte 2 eurotan, Txurruka jatetxean egingo den lau lagunendako bazkaria zozkatuta.
Zehaztu dutenez, errifa saritua Errege eguneko El Niñoko zozketako zenbaki sarituaren azken lau digituek erabakiko dute.
Berreraikitzeko lanak hasita
2019ko urriaren 3an, San Andres auzoko Korta baserriak su hartu zuen eta ia osorik erre zen. Duela hilabete batzuk, baserriaren jabeek erabaki dute baserria berreraikitzea eta dagoeneko hasita daude lanean. Tartean, auzotar talde batek ere jardun du auzolanean.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.