Orain dela bi bariku hiru gizon harrapatu zituzten SAPA barruan. Zaratak zeudela abisatuta joan zen udaltzaina eta Udalarena den pabiloian atzeman zituen hiru gizonak. Haiek ez zuten ezer eskuetan eta emandako azalpenen arabera, atea zabalik ikusi zutelako sartu ziren barrura. Udaltzainak hiru gizonak identifikatu eta libre laga zituen.
Bilbotik etorritakoak ziren. Eta horrek poliziaren susmoak areagotu egin ditu. Izan ere, udaltzaingotik esandakoaren arabera, jakinean daude behin baino gehiagotan sartu direla fabrikara, beruna, errodamenduak eta beste falta izan delako.