Mankomunitateak jakinarazi duenez, Ibur Erreka eta Hirigintza enpresek egin dituzte estalkiak jartzeko lanak eta 41.457,66 euro kostatu dira. Inbertsioaren %50a Gipuzkoako Foru Aldundiak hartuko du bere gain.
Gogora ekarri du garbiguneetan honako hondakin elektriko eta elektroniko hauek laga daitezkeela: garbigailuak, hozkailuak, telebistak, ordenagailu-pantailak eta tresna elektriko txikiak, ile-lehorgailuak, kontsolak, etab.
Emandako datuen arabera, berriz, 2020an mota horretako 187.292 kilo hondakin bildu ziren eta 2021eko abuztura bitartean, berriz, 123.014 kilo.
Bestalde, jakinarazi du irailean, Debabarreneko gaikako bilketaren tasa %56,17koa izan zen. Datu horrek hobekuntza txiki bat dakar iazko iraileko datuarekin alderatuta (%54,71). Irailaren 30era arteko urteko balantzeari dagokionez, gaikako bilketaren portzentai metatua % 54,97koa da.