Aste honetako astelehenean hasi ziren goizez zein arratsaldez bina ordutako lanuzteak egiten garraio publikoaren kudeaketaz arduratzen den Avanza Gipuzkoa (lehenagoko PESA) hainbat langile. Horrek eragina izan zuen eskualdeko autobus zerbitzuetan.
Bihar, barikua, bigarren aldiz egingo dituzte lanuzteak. Eta enpresako Lan batzordetik iragarritakoaren arabera, lanuzteok mugagabeak izango dira, harik eta enpresaren erantzunen bat eskuratu arte. Gaineratu dute, lanuzteekin batera, elkarretaratzeak ere egingo dituztela, Arrasaten. Bihar, barikua, 13:30ean elkartuko dira Zalduspen, ospitale aurrean.
Diputazioari ere deia
Autobusetako gidariek hiru eraso jasan dituztela salatu eta enpresari euren segurtasuna bermatzeko neurriak hartu ditzan eskatu ondoren etorri dira lanuzteak. Lan Batzordeak salatu duenez, enpresak oraindik ez ditu egoera konpontzeko “baliabide egokiak” jarri.
Lan Batzordetik Avanza Gipuzkoa enpresari ez ezik, Diputazioari ere dei egin diote, “azken batean lurraldeko autobus zerbitzuaren arduraduna bera baita”, ekarri dute gogora.