Gaur, besteak beste, salatu dute Escrivá ministroak ez duela aipatu zenbat igoko diren pentsio publikoak, nahiz eta hark esan KPIaren arabera igoko direla.
Halaber, pentsioen kopuru baxuak ere salatu dituzte: “Kotizaziopeko 5 pentsiotik ia batek osagarri bat behar du gutxienekora iristeko -689,5 euro- eta 2022rako hilean 19,5 euro handituko litzateke, 709,5 euroan kokatuz. Bestalde, kotizaziopekoa ez den erretiro-pentsioa 12 euro hobetuko litzateke, eta hilean 414,8 eurokoa izango litzateke. Gezurra dirudi Escrivá jauna harro egotea pentsio horien igoera KPIa baino handiagoa dela esanez”.
Gogora ekarri dute Europako Gutun Sozialaren irizpideak aintzat hartuta, gutxieneko pentsioa 1.080 eurokoa izan beharko litzatekeela; justu horixe berori aldarrikatu zuten zapatuan Madrilen eta hori berori aldarrikatuko dute urriaren 28an, Eusko Legebiltzarraren aurrean.