Bonuak banatzen hasi zireneko jende-ilarak desagertu dira honezkero eta orain, herritarrak lasaitasun handiagoarekin ari dira Udalak banatzen dituen deskontu-bonuak eskuratzen.
Gaurko datuen arabera, 1.283 banatu dituzte, beraz, 1.717 daude hartzeko. Familia bakoitzak bina bonu eskuratu ahal ditu, urriaren 31 aurretik. Kontsumitu, berriz, abenduaren 31 aurretik kontsumitu behar dira. 15 eurotik gorako gastua eginda, 5 euroko bonua erabil daiteke eta 30 euroko gastua eginda, berriz, bi bonuak erabil daitezke.
Agortu ezean, beste kanpaina bat
Herriko edozein dendatan, tabernatan, jatetxetan, baserritarren postutan edo beste edozein establezimendutan erabili ahal izango dira txartelak, baita Bizikalekoak ez diren saltokietan eta herriko artisauen produktuak erostean ere. Negozioek bete beharreko baldintza bakarra euren helbide fiskala herrian izatea da.
Udalak 15.000 euro bideratuko ditu kanpaina horretara. Deskontu-bonuak eskatu ahala banatuko dira, denak agortu arte. Abenduaren 31ra bitartean ez badira bonu denak agortzen, Udalak beste kanpaina bat egingo du.