Urriaren 26an, 08:30ean irtengo dira Soraluzetik Lodosara. Asmoa da Peron kontserbak bisitatu eta bertan egitea hamaiketakoa. Ondoren, XVI. mendeko eliza bisitatuko dute eta Mendabiara joango dira, Mainegra upategia bisitatzera.
Eguna borobiltzeko, 14:30ean bazkalduko dute, Azagrako Venecia Hostalean eta bazkalostean bingoan jokatuko dute. 18:00etan bueltatuko dira, Azagratik.
Txertoa eta agiriak
Txangoaren prezioa da 30 euro eta izena eman daiteke martitzenetan 11:00etatik 12:00etara eta eguenetan 11:00etatik 12:00etara eta 16:30etik 18:30era, Itxaropena elkarteko bulegoan.
Itxaropena Nagusien Elkarteko zuzendaritzak gogora ekarri du izena ematerakoan COVID-19aren aurkako txertoa hartu dela erakutsi behar dela eta txangora nortasun agiria zein osasun txartela eraman behar direla.