Erdira jaitsi da positibo kopurua

Azken 14 egunetako datuak kontuan hartuta, COVID-19ari dagokionez, eskualdeko intzidentzia-tasa metaturik altuena du Soraluzek. Hala ere, positibo kopurua aurreko astekoaren erdia da. Joan den astelehenetik atzora arte, lau herritarrek eman dute positibo.

Gaurko datuen arabera eta eskualdeari begiratuta, une honetan, Soraluzen du eraginik handiena COVID-19 koronabirusak; azken zazpi egunotan, lau positibo detektatu dituzte eta herriko intzidentzia-tasa metatuta 300 pasakoa da. 

Kontrara, Elgoibarren eta Deban zero positibo atzeman dituzte eta azken udalerri horretan, gainera, intzidentzia-tasa metatua ere zero da. Gainerako herriei dagokionez, nabarmen egin dute behera datuek, Mutrikun izan ezik. 

Hona hemen irailaren 27tik urriaren 3ra bitarteko datuak. herriz herri.

  • Deba 0    0
  • Eibar 2    47,32
  • Elgoibar 0   26
  • Mendaro 2   94,56
  • Mutriku   5    150,55
  • Soraluze 4    301,96
  • Debabarrena 13

"Bilakaera positiboa"

Bestalde, bihar martitzena, LABIren Aholku Batzordea elkartuko da. Iñigo Urkullu Lehendakariak esan zuenez, koronabirusari aurre egiteko neurriekin lotuta, “batzorde zientifiko-teknikoak emandako irizpenaren” araberako erabakiak hartuko dituzte biharko batzarrean. Lehendakariak gaineratu zuen pandemiaren “bilakaera positiboa” izaten ari den arren, “tentuz” ibiltzea komeni dela.