Domeka honetan, irailaren 26an, II. Gazta Azoka egingo dute Soraluzen, Debemen elkarteak eta Soraluzeko Udalak antolatuta. Goi mailako produktuak ekarriko dituzte eskualdeko lau gaztagilek. Soraluzeko Egotzako ahuntz gazta izango da; Elgoibarko Mausitxako ardi gazta; Mallabiko Axelekuko behi-gazta eta Mutrikuko Goienetxeko ardi-gazta.
II. Gazta Azoka Plaza Zaharreko karpapean egingo dute, 10:30etik 14:00ak arte.
Iaz, Santa Egunean ere Soraluzen izan ziren inguruko gaztagileak, orduantxe egin baitzuten I. Gazta Azoka. Orain dela bi urte, berriz, gazta dastatzea egin zuten, adituak bertaratuta.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.