13 lagun Irakurle Klubean

Hainbat herritar Irakurleen Klubean parte hartzen, aurten.

Irakurle Kluba abiarazi zenetik, izen-ematerik altuena izan da irailean. 2017an 9 lagunekin abiarazi zuten ekimena eta aurten, uda ostean 13 lagun animatu dira. Urrian ekingo diete ikasturte berriko saioei, ohi denez, Jasone Osoro idazle elgoibartarrak gidatuta. 

Bi hilabetetik behin, astelehenetan egiten dituzte Irakurle Klubaren saioak, 19:00etatik 20:15era. Euskarazko liburu bati buruz berba egiteko elkartzen dira klubeko kideak. Uda osteko lehen saiorako Nerea Loiola idazlearen Epizentroa liburua landuko dute. Urriaren 4an, 19:00etan da hitzordua. 

Ikasturte honetan saioetan parte hartu nahi duenak Udaleko Hizkuntza Politika Zerbitzura dei dezake (943 75 30 43).