Egun haietan Gara egunkariak herrian atera zituen argazkiek ondo erakusten dute gertakari lazgarri hark herritarren artean eragin zuen saminaren neurria.
"Dolua herrian"
Pil-pilean aldizkariak jarraipen zabala egin zion gertakariari irail hartan kaleratu zuen 38. alean. "Dolua herrian" titularrarekin erreportajea kaleratu zuen eta garai hartan kaleratzen zen editorialean ere aipatu zuen gaia. Honela zioten editorial hartako lehen lerroek: “Zer esan… Asier eta Iñaki hil izanaren barrixa jakin orduko tristura zabaldu zan herrixan.. Senittartekuak, lagunak, ezagunak ... danak apurtuta. Barrixa jakin arren eta behin eta berriz entzun arren, ezin sinistu Asier eta Iñaki hil ziranik. Hurrengo egunetako ekitaldixak, senittarteko, lagun, ezagun eta herrixaren mina eta amorrua kanpora etara eta adierazteko aukeria emon zeben. Lurdesen bihotza alaittu nahixan, eurak bizitza galdu biharraren gogortasuna aipatu zan Asier eta Iñakiren omenaldixan eta halaxe da. Asier, Iñaki eta Irantzu Euskal Herritik urrin Avilan espetxeratuta daguan Lurdesi bere bakardadian berotasun pixkat emotera zoiazen eta bidai horretantxe topatu zeben hiruretako bik heriotza”.
