Globoak kalean
Gaur eguerdi inguruan, hogeitaka globo azaldu dira Elizburu-Etxaburueta kaletik behera. Kalean zebiltzan herritarren artean harridura zein katxondeoa eragin du, zer dela-eta horrenbeste globo bota dituen norbaitek. "San Bartolome delako izango da!", esan du elgoibartarren batek. "Bartoloren batek botako zituen!", erantzun du soraluzetarren batek. Haizeak zein autoen joan-etorriak Santa Ana kaleraino eraman ditu globook, umeen eskuetatik salbu geratu direnak, noski.
ALBISTEAK ESKUKO TELEFONOAN
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.