Piano errezitaldia San Andresen, soila eta leuna

Ana Bello madrildarraren piano doinuak entzun ziren atzo arratsaldean San Andresen. Ordubete inguruko emanaldia izan zen; soila, pianistak bozgorailurik barik, oinutsik eta ohial baten gainean eskaini baitzuen errezitaldia; eta, leuna, Chopin, Beethoven eta beste klasiko handien piezak pianoz interpretatzerakoan horixe transmititzen baitu, leuntasuna. Arbolapetik (eta soziedadeko palkotik), hogeita hamarren bat entzulek jarraitu zuten saioa.