Karakateko antenaren azpiko aldean egin dituzte garbiketa-lanak, hantxe egokituko baitute piknik gunea. Garoz, otaz eta sasiz garbitu dute inguru hura guztia eta sei mahai ipintzeko lurra lautu dute.
Mahaiak egunotan
Udalak jakinarazi duenez, datozen egunotan ipiniko dituzte mahaiak, “herritarrek mendi gaineko ibilbidea egin ondoren aisialdi eta atseden gune berri bat izan dezaten”. Urkia-Zelaiko iturri parean dagoenaren moduko mahaiak ipiniko dituzte.