Demasekoa izan zen

Ubane Madera Zangitu 2021ko uzt. 27a, 15:43

Atzo iluntzean, ikuskizun bikaina eskaini zuten Korrontzi folk taldeak, Oinkari dantza taldeak, Xabier Amuriza bertsolariak eta Leturia panderojoleak. Egunotako ekitaldirik jendetsuena izan zen Koplariak ikuskizuna eta seguru aski, baita arrakastatsuena ere; kiroldegiko jarleku guztiak beteta izan ziren eta ikus-entzuleek behin eta berriro txalokatu zituzten doinuak. Amaierako txalo zaparrada luzea eta ikus-entzuleen laudorioak ere badira nabarmentzekoak.