Atzo, zapatua, curryarekin, martorriarekin, mariskoarekin, kokoarekin… eta mimo handiarekin prestatu zituzten arrozak Maroko, Sahara, Venezuela, Pakistan eta euskal jatorriko herritarrek Munduko Arrozak kulturarteko topaketan. Arrozez gain, Henna tatuajeak, umeen eskulanetarako gunea, mundu osoko musika eta Arantza eta Pantxoren kantu emanaldia ere izan ziren. "Ezin gozoagoak izan ziren arrozak eta pertsonen arteko harremanak", adierazi du Arrate Espilla Pil-pileaneko aniztasun teknikariak. Hain zuzen, horixe zen ekimenaren helburua, hainbat jatorritako herritarrak elkarrekin harremantzea.