Bizikidetza lantzen jarraitzeko dirulaguntza

Bizikidetza lantzeko egindako jardunaldietako bat.

Soraluzeko Udalak 7.187 euroko dirulaguntza eskuratuko du Giza Eskubideetako eta Kultura Demoratikoko Zuzendaritzarengandik, Diputaziotik. Bizikidetza Lantzen programaren barruan dauden udalerrietan proiektuetarako da dirulaguntza hori. Gipuzkoan, guztira, 140.000 euro bideratuko dira lanketa horretarako.

Gipuzkoan, 20 udalerrik eskuratuko dute bizikidetza proiektuak garatzeko laguntza, tartean, Soraluzek.

Izan ere, 2016an eratu zuten Bizikidetza Mahaia udal ordezkaritza duten alderdi politiko guztiek. Baketik Fundazioak bideratzen du mahai hori eta azken urteotan, bizikidetza sustatzeko hainbat ekitaldi egin dituzte herrian.