Uztailaren 2an hasi ziren herrian lehen positiboak atzematen, 24 lehen egunean bertan. Hortik aurrera, azken hamar egunotan, beste 30 soraluzetarrek eman dute positibo PCR probetan, azken 8ak pasa berri den zapatuan. Atzo, berriz, ez zuten positibo berririk atzeman.
Hori horrela, lehen positiboak atzeman zituztenetik atzora arte, guztira, 54 soraluzetarri detektatu diote COVID19a.
Eskualdean ere gora
Debabarrenari dagokionez, uztailaren 2tik honako datuak kontuan hartuta, Soraluze dago egoerarik okerrenean, baina gainerako ia herri guztietan ere ari da gora egiten atzemandako positibo kopurua.
Hona hemen uztailaren 5etik uztailaren 11ra bitarteko datuak, herriz herri:
- Deba 2 128,37
- Eibar 31 163,79
- Elgoibar 7 147,31
- Mendaro 2 141,84
- Mutriku 34 658,64
- Soraluze 17 1358,83
- Debabarrena 93