Gaur, eguaztena, ikasturte amaierako kontzertua eskainiko du Soraluzeko Musika Eskolak. Hasierako asmoa zen frontoian egitea, aire librean, baina ekaitz arriskua dela-eta, antzokian egitea erabaki dute.
Gogoan izan kontzertua bi txandatan banatuta eskainiko dutela. 17:30ean, gaztetxoenek Pentagramaenea ipuin musikatua taularatuko dute. Eta 19:00etan, berriz, musika ikasle helduagoen txanda izango da. Baita trikitilariena eta pandero-joleena ere.
Lehen txandako saioa ikustera joateko gonbidapen berdeak eraman behar dira eta bigarren txandarako gonbidapen laranjak.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.