Bego Gallastegik eta Falik gertu dute Itxaropenako taberna bihar zabaltzeko. Soraluzeko Udalak energia kontsumoa murriztea eta ekipamenduak hobetzeko hainbat lan egin ditu bertan. Horrez aparte, kudeatzaile berriek eskatuta, garbiketak egin, zaharkitutako tresnak berriengatik aldatu eta besteak beste, terraza garbitu eta lorez apaindu dute, bezeroek terraza erabiltzeko aukera ere izan dezaten.
Hamar hilabetez itxita
Bihar, 18:30ean irekiko ditu ateak tabernak. Ongi etorri modura, herritarren kontsumizio bakoitzeko mokadutxoa oparituko dute. Bihartik aurrera, berriz, tabernaren funtzionamendu berria zehaztuko dute, ordutegiak eta beste. Hamar hilabetez izan da itxita Itxaropena elkartearen taberna.