Atzo, barikua, arrakasta handiarekin gauzatu zen Birakaren ikuskizuna. Pandemiara egokituta, musukoak jantzita eta ikusle kopurua mugatuta izan arren, eragozpen guztien gainetik dantzariek eta antolaketak onena eman zuten eta akatsik gabeko ikuskizuna eskaini zieten bertaratutakoei. Trukean, txalo zaparrada eskuratu zuten haiengandik. (BIDEOETAN, SORALUZEKO TALDEEN DANTZAK)
Atzo iluntzean, Soraluzeko 50 ume inguruk eta Elgoibartik bertaratu ziren gazteek 16 dantza eskaini zituzten, horietatik sei soraluzetar dantzariek. Erabat koordinatuta, tempusak bikain zainduta, ikusle askoren irudipena izan zen hasi orduko bukatu zela ikuskizuna, nahiz eta ia ordubeteko iraupena izan.
Josu Mugika Birakako arduradunak esplikatu zuen bestetan baino saio motzagoa egitea tokatzen zela, jakinekoak diren arrazoiengatik. Baina aldi berean, eskerron beroa helarazi zuen, sikiera Plazentzian (beste herri batzuetan ez bezala) ikusleak bertan zirela taularatu ahal izan dutelako ikuskizuna.
