Plaentxi Herri Eskolan zein Soraluzeko DBH Institutuan sexualitateari buruzko formazioa eman diete LH5-6 eta DBHko ikasleek. “Baina, seme-alaben heziketa ez denez soilik ikastetxearen ardura, baita familiakoa ere, lan horretan laguntzeko gurasoei zuzendutako hitzaldia” antolatu dute, haien gurasoei zuzenduta.
Hitzaldia maiatzaren 26an eta 27an izango da. Lehen egunean euskaraz eta bigarrenean gaztelaniaz. 18:30ean izango dira bi hitzaldiak, Herriko Antzokian. Honako kontzeptuak landuko dituzte, besteak beste:
- Sexu heziketaren esanahia eta zentzu zabala
- Etxetik eta familiaren bidez lantzeko hainbat giltzarri
- Lehen hilerokoa, lehen sexu-harremanak, masturbazioa, pornografiaren kontsumoa…
Izena emateko
Hitzaldia egiteko gutxieneko guraso kopurua beharko da. Hori horrela, parte hartu nahi duenak aldez aurretik izena eman behar du. Bihar, barikua, da horretarako azkeneko eguna eta HEMEN klikatuta eman daiteke izena. Baita telefonoz udaletxera deituta ere: 943 75 30 43.