Intzidentzia-tasa metatua 400dik gorakoa izan arren, Soraluze eremu gorritik atera egin dute, herriari dagokion osasun eremuaren batez bestekoa ez delako eremu gorrian sartzekoa. Horrenbestez, indargabetu egin dira ezarritako neurri murriztaileetako batzuk eta horren ondorioz, aurrerantzean:
- Herria ez dago perimetralki itxita.
- Ostalaritza eta jatetxe establezimenduek ez dute barruan zerbitzatzeko ordutegi murrizketarik izango.
- Kirol jarduerak, atzera ere, sei pertsonara artekoak izan ahalko dira. Kirol instalazioetako aldagelak berriro ere zabaldu ahalko dira, %35eko edukierarekin.
Datuak
SARS CoV2 koronabirusa atzemateko PCR probetan positibo eman duten Debabarreneko datuei dagokienez, berriz, Deban kopuru altuarekin segitzen dute; gainerakoetan, berriz, gorabehera gutxi batzurekin.
Hona hemen apirilaren 19tik 25era bitarteko datuak, herriz herri:
- Eibar 62 582,37
- Elgoibar 19 311,96
- Mendaro 7 425,53
- Deba 48 1723,82
- Mutriku 13 564,55
- Soraluze 13 654,25
Eremu gorria
Bestalde, hona hemen gaurko ebazpenean argitaratutako zerrenda, eremu gorrian dauden 5.000 bizilagunetik gorako herriena:
Amurrio, Andoain, Aretxabaleta, Arrasate, Astigarraga, Azkoitia, Azpeitia, Berango, Bergara, Bilbao, Deba, Derio, Donostia, Eibar, Erandio, Ermua, Errenteria, Getxo, Hernani, Hondarribia, Irun, Lasarte-Oria, Laudio, Lazkao, Legazpi, Leioa, Lekeitio, Lezo, Mungia, Muskiz, Mutriku, Oiartzun, Ondarroa, Oñati, Ordizia, Orio, Pasaia, Portugalete, Santurtzi, Sestao, Tolosa, Urnieta, Urretxu, Usurbil, Trapagaran, Villabona, Gasteiz, Zarautz, Zumaia eta Zumarraga.
5.000tik beherako herriak, berriz, honakoak dira:
Aia, Aizarnazabal, Alegia, Anoeta, Antzuola, Asteasu, Aulesti, Ayala/Aiara, Bakio, Eltziego, Elduain, Elgeta, Eskoriatza, Getaria, Ibarra, Irura, Bastida, Legorreta, Loiu, Mallabia, Olaberria, Otxandio, Ugao-Miraballes, Urduliz, Urduña, Zaldibia, Zaratamo, Zestoa eta Zizurkil.