Atzoko eta gaurko datuen arabera, apurtu egin da COVID-19aren intzidentzia-metatuaren tasak azken egunotan erakutsi duen beheranzko joera eta goranzkoa hartu du Soraluzen, 1.000tik gertu jartzeraino.
Bestalde, ospitaleratzeak ere hasi dira izaten soraluzetarren artean. Anbulatoriotik esandakoaren arabera, joan den astean herritar bat ospitaleratu zuten eta bi atzo. Azken horien artetik, gainera, batek 40 urte inguru ditu.
Debabarrenean ere gora
Eskualdeko egoerari dagokionez, berriz, besteak beste, Deban etengabe segitzen dute positiboak atzematen eta Debabarrenean, oro har, astelehenean baino gehiago daude.
Honakoak dira azken zazpi egunotako datuak, herriz herri:
- Eibar 97 545,97
- Elgoibar 19 251,30
- Mendaro 4 425,53
- Deba 55 1136,99
- Mutriku 14 564,55
- Soraluze 15 981,38
- Debabarrena 204