Modu positiboan baloratu du Berdintasun Saileko zinegotziak laguntza hori jaso izana: “Genero indarkeriaren aurkako borroka erantzukizun partekatua da eta guztiok gauzatu behar dugu. Udala herritarrengandik gertuen dagoen erakunde publikoa da, eta bere udalerriko errealitatea hobekien ezagutzen duena. Horregatik, gaitz honen aurka borrokatzeko jasotzen duen edozein laguntza ongi etorria izango da beti “.
"Ahalik eta adostasun handienarekin"
Gaineratu du, besteak beste, “ahalik eta adostasun handienarekin” erabakiko dela diru hori zertan erabili, premisa jakin batzuk kontuan hartuta: “Emakumeen aurkako edozein indarkeria-motari buruzko sentsibilizazio- eta prebentzio-kanpainak egitea, emakumeen aurkako indarkeriari buruzko informazio-materialak prestatzea edo berdintasunaren arloko prestakuntza espezializatua lortzeko jarduerak egitea. Beraz, premisa horiek kontuan hartuta, Soraluzen funts horien erabilera udaleko Berdintasun Batzordearen esparruan eta ahalik eta adostasun handienarekin erabakiko da ".
Borinagak esplikatu du Indarkeriaren kontrako Estatuko Itunaren fondotik eskuratu duela Udalak laguntza hori, indarkeriaren kontra 2017an onartutako estatu itunaren baitan sortutako fondoetatik.