Gaur Osakidetzak argitaratutako datuen arabera, Soraluzek gainditu egin du 500eko intzidentzia-tasa metatuaren langa. Apirilaren 2tik 8ra bitarteko datuen arabera, 15 soraluzetarrek eman dute positibo PCR probetan, baina intzidentzia-metatua kalkulatzeko azken 14 egunak kontatzen dituzte. Horren arabera, Soraluzen, 20 lagun daude SARS CoV-2 koronabirusaz kutsatuta.
Soraluzek 500eko langa gainditu arren, herriari dagokion osasun-eremuaren (Elgoibar-Mendaro eta Soraluze) intzidentzia-tasa metatua da 302,08. Beraz, Debabarrena laranja kolorean dago.
Honakoak dira apirilaren 2tik apirilaren 8ra bitarteko datuak, herriz herri:
Eibar 61 320,30
Elgoibar 20 268,63
Mendaro 3 283,69
Deba 4 128,37
Mutriku 9 301,09
Soraluze 15 503,27
Debabarrena 112
Herriz herriko datuen hurrengo eguneraketa astelehenean egingo dute. Halaber, egun berean eguneratuko dute, baita ere, eremu gorrian dauden herrien zerrenda.
