Langabezia gorantz

Zubi Nagusia, gaur.

Otsailarekin alderatuta eta gutxi bada ere, gora egin du herrian kontabilizatutako langabe kopuruak. Ez, ordea, Debabarrenean. Izan ere, eskualdeko hiru herritan egin du gora langabeziak baina beste hirutan behera egin du edo berdin mantendu da. 

Soraluzerekin batera, Elgoibarren eta Mendaron egin du gora; berdin eutsi dio Debak eta behera egin du, berriz, Eibarren eta Mutrikun. Kopurutan begiratuta, Soraluzen 262 langabe kontabilizatu zituzten martxoan, otsailean baino lau gehiago.  

Hona hemen datuak, herriz herri: 

  • Eibar            1.665     %13,07
  • Elgoibar          539     %9,75
  • Mendaro            93     %9,40
  • Deba               193      %7,24
  • Mutriku          216     %8,12
  • Soraluze         262      %13,98
  • Debabarrena  2.968    %11,22