Patricia Borinaga Gizarte Ongizate Saileko zinegotziak esplikatutakoaren arabera, udal teknikariak arduratuko dira balorazioa egiteaz. Eta ahalik eta lasterren adjudikatuko dute zerbitzua, taberna berriro ere zabaldu ahal izateko.
Bestalde, modu positiboan baloratu du bi proposamen aurkeztu izana: “Behintzat, oraingoan ez da hutsik geratu eta norbaiti esleituko diogu zerbitzua”.
Irailaren erdialdean itxi zuten Itxaropena Nagusien Elkarteko taberna. Udalak irailean atera zuen zerbitzua enkantera. Lehen deialdian ez zen inor aurkeztu. Orduan, baldintzak aldatu eta berriro ere atera zuen zerbitzua enkantera, hil honetan.