Itxaropena Nagusien Elkarteko taberna kudeatzeko Udalak egin duen bigarren deialdia da honako hau. Lehenengoan ez zen inor aurkeztu eta hori dela-eta, malgutu egin zituzten taberna kudeatzeko eskatzen ziren baldintzak.
500 euroko laguntza zuzena
Baldintza berrien artean, bi dira nabarmenenak. Batetik, sei hilabetez, 500 euroko dirulaguntza zuzena emango zaio kudeatzaileari, hiru hiletik behin laguntza hori berritzeko aukerarekin, baldin eta pandemiarengatik ezarritako murrizketek bere horretan segitzen badute.
Bestetik, urtebetez ez zaio tabernaren errenta kobratuko -100 euro-. Halaber, gogoan izan beharra dago taberna horren gastu nagusiak -argindarra, ura, gasa eta garbiketa- Udalak hartzen dituela bere gain.
Azaldu beharrekoak
Osterantzean, taberna kudeatzeko eskaintzetan honako puntu hauek azaldu behar dira: Eskaintza ekonomikoa.
- Lan-esperientzia.
- Ordutegia luzatzea.
- Zerbitzuaren proiektu tekniko deskribatzailea.
Jakin beharrekoak
Honako hauek dira, berriz, plegu teknikoak eta plegu administratiboak.
Eskaintzak udaletxean aurkeztu behar dira, barikurako, beranduen jota. Edozein zalantza izanez gero: 943 75 30 43.